INDONA

EDEN ANCHHIA KRISTA HNEHNA CHU

(Genesis 3:14,16,17)

• Eden huana anchhia kan hmuh kha ilo en chiang the ang.. Lalpa Pathian chuan Rul hnen ah, “hetiang hi i   tih avang in Ran zawng zawng leh Ramsa tinreng zing ah anchhedawng in i awm bik ang” a ti a.

• Pathian in Adama, Evi leh Rul chunga kut a thlak dan hi chik taka ngaihtuah a tul hle a ni.

1. Pathian chuan Adama hnen ah thu a sawi hmasa ber a, “Adam khawi ah nge i awm” tiin.
2. A dawt leh ah Hmeichhia a ko leh a, “I thil tih hi engtizia nge nile“ a ti leh a.
3. A pathumna ah chuan Rul lam chu hawi in “Anchhedawng in i awm bik ang” a ti ta a ni.

• Heta Pathian thusawi indawt dan ah hian rorelna an chung a puanchhuah a nih chu a letling ta vek a.

1. Rorelna chu Rul chung ah a tla hmasa ber a – anchhelawh hmasak ber a ni. Sual lo awmna chhan bulpui a nih avangin.
2. A dawt leh ah hmeichhe lam a hawi leh a, Rul bum a a awm avangin a hnu a tawrhna lo awm tur chu a pumpelh thei dawnlo tih a hrilh leh a.
3. A tawp ber ah Adama chu hrilh a ni leh ta a ni. “ I hmai a thlantui luang zawih zawih in chaw i ei tawh ang” tiin.

• Heta chhinchhiah tlak tak chu, Rul in a bum hma kha chuan Pathian thupek an vawng nung reng a, an inbiak lai pawh in Pathian thupek chu hmeichhia chuan a sawi a, a theihnghilh lo. Setana bumna avangin anmahni duhthu ngei in Thei chu an ei ta zawk a ni.

• Tin, hmeichhia hi a mawl avanga bum a nih avangin a thlah lo la awm tur, thutiam rawn pai tu tur chu miin Setana hnehna famkim rawn thlen tur atana ruat a lo ni ta a ni.

• Heta tang hian Pathian in a fate Setana’n hmanrua a a hman ngei te chu amah hneh let ve nan a hmang dawn tih kan hre thei ang.

• Evi chu Pathian in a khawngaihna in amah atangngei chuan amah bumtu setana hnehtu tur a lo chhuak dawn tih a lo tiam ta a ni. (Genesis 3:15). Pathian chuan hmelma hmanraw hman ngei chu a mah Setana hneh let leh nan hmanrua ah a hmang ta a ni.