RINAWMNA IN ENGE A THLEN ANG LE...

          He thu hi mi chi hrang hrang ten an sawi kan hre fo tawh awm e. (an tawn tawh dan te, ang ngaihdan te) mi tam tak ten an tawng tawh a, a then in an tawng mek bawk a, chu tiang bawk in tam tak ten kan la tawng zel dawn bawk a ni. Tin, ngaihdan hi a in ang lova, hetiang thi hi ho ti leh nuihzat tam tak kan awm bawk a, tin chu tihrual in a field a cheng, tui pui fe fe tam tak kan awm bawk a ni.

         A enga pawh chu nise Hringnun a awm chhung hi chuan kan nun ah hian a bet ve reng dawn ni in alang. Tin, a tluk pui, Internet CHAT hmang te, lehkhathawn hmangte pawn tam tak hi kan in be reng a. A hmasa ber in kei ngei pawh hi hetiang thil a awm theih ringlo ber tu te zinga mi ka ni. Mahse hun a kal a kal a, ni a liam a, thla a danglam zel bawk a, nun a inthlak hret hret a, tun ah chuan theih loh anga ka lo ngaih thin leh ka lo ngaihtuah ngai miah loh bawih ah ngei hian ka lo tang ta reng mai em ni chu aw!!..

April thla a ni a, dan pangngai ang in phone a tang chuan ka CHAT leh ta malh malh a. He nu hi chu a danglam a ni. Kan in biak hmasak ber chuan Fiamthu in ka kur pui hluai a, mahse kan in biak tak reng ah chuan fiamthu in hmun a chang reng thei lo. Hun a inher zel a, kan in be tam tual tuala zanah lah men rei chang a tam. Tin, zing thawh vel leh a wish a lo awm loh chuan awm dan a danglam a, message erawh a lo awm chuan nilenga hun hman te pawh a nawm phah a ni. Inpawh taka hun kan hman tak ah chuan nun hian awmzia a nei in theih loh anga kan lo ngaih thin tamtak te hi a lo theih reng ani.

 

         Kum thum chu a lo vei ve ta reng mai. Hmel in hmu si lova tiang chen chen hi engtianga in be thei nge maw kan nih le!!. Hmu zo lo ka ni bik em ni le? He nu hi a rinngam chiah em? Kei min ngai ni anga lang si hian leh lam ah kei hi min lo kawp reng zawk a ngem le? Ngaihtuah tur a tam khawp mai, han then ngawt dawn chuan a theih loh tih thu hian min dang ang lawi tawh si a, awm pangai anga nih pui chhun zawm zel dawn lah in atawp ah chan chhe tak chang in rilru na tak in ka awm ang tih ka hlau lawi si. Aaaa.. buaithlak zo a nih hi., ka ngaihtuah peih hrih lo, han ngaihtuah tum sa teh vak thin mah ila awm zia a awm lo. Keimah ah hian a bet tawh a, awlsam tak a bansan thei ka ni tawh lo. A enga pawh chu nise, engpawh chu lo thleng se, a tana ka rinawm reng avang hian tuna ka awm dan ah hian ka lawm a ni. A ni pawh ka tana rinawm reng tur in a intiam a ni lawm ni kha.. Hmuh hun chu hre si se lo mah ila, Pathian in kan tan hun a ruat ve ngei ang. Ka nun ah hian thu a nei em em tawh a, ka sawi fiah thiam dan ber ah chuan ka thisen hian a mah hi a than hnan tawh ni ber in ka hria.

 

         Heng thu (thenkhat tana) ho tak tak ni si hi engvanga han thai lang ve ta chiam chiam nge maw ka nih le!!, mahse Hmangaihna hian mihring nun hi a lo khawih danglam thei hle mai a, chuvang tak chuan hmangaihna dik hi mi zawng zawng tan a pawimawh a, chu hmangaihna dik tak hmu thiam thei tur chuan kan nitin nun hman na ah fimkhur tak chung a amah kan rin Pathian hma hruai tir a ke kan pen chuan chu hmangaih na dik chu kan hmu thei ngei ang le, chu ti a nih loh vek pawh in chu hmangaihna dik ngei chuan min la rawn zawng chhuak tho tho dawn a ni. A pawimawh ber ah chuan Rinawmna hi neih tur a ni a, Rinawmna in lalna a channa hmun ah chuan tu inngaizawng te mah hi an keh chhe tak tak ngailo..