ENGE I TIH TUR..?

(Thiam em em vang leh tui em em vang pawh ni lova hetiang thu tawite kan phuah chhuak ve hlawl ta mai hi a make e!!! Awm hlei mai mai vang a ziak te pawh ka ni ta ve ang. Mahse, he thu hi mamawh tu pakhat tal an awm lawng maw tiin kan bung ve tawp mai chu a nia(h).. thuziak diklo leh rem fuh loh lai te a awm ka ring, chutiang a nih chuan a duh duh chuan kan sel luai luai mai niang chu. Tin, Thiamloh ti zual tur in a thupui pawh hi phuah dan ka hre hlek lo leh ta nghal.. Mahni theuh ah a thupui chu kan phuah ve tur ah I ngai phawt mai teh ang.)
           Tunge i nih le? Engang mi nge i lo nih reng reng le!! Mihring te hi kan lo pian chhuah phat hian kan ko ah tihtur pawimawh tak a innghat a, chu chu enge ni ang le? Nu pum chhunga kan awm lai a tang tawh a Pathian ruat, atana engemaw tal ti ve tur a siam kan ni a. Tunah khan engtin ngei i awm a, eng ngaihtuahna nge i hman a. Vawiin ni ah khan engtin nge awm i tum le? I ngaihtuahna hre vek tu an awm tih i hrereng a, mahse i ngaituahna chu kal tlangpui i tum tho em le!!. Mihring te hi kan pian chhuah hlawl hian sual sa a siam kan nih a, mahni lawmna ringawt zawng thin kan nih bawk avang hian min siamtu thinlung ti lungngaitu kan va ni nasa dawn thin em!!. Engang pawh in sual hi do thin mah ila kan pian chhuah pui a nih avang hian kan do hnen zo thin lo a ni. Tu tana awm nge i ni tih leh ilo pian chhuah hian engvanga he khawvel eng hmu ve nge i nih tih hi mahni khumlaizawl ngei a in zawh fo chi ni in kan hre ve em?.

          Thil tha tih turin kan ngaituahna te pawh kan hmang fo thin a. A tak ram min hruai thleng turin taimakna leh tuarchhel na kan tlachham thin. A ti tang tang peih te chu an dingchhuak fo thin reng a ni. Nang pawh engang ngaihtuahna te nge i hman thin a, I thil ngaihtuah te puitlin tur in eng tiang chiah in nge ilo beih ve thin le! Thil thenkhat kan ngaihtuah te a lo puitlin theih nan thenkhat chu nasa vak lova beih a neih chi tamtak a awm rual in, thil thenkhat kan duh ngawih ngawih neih theih tum a kan han beih ngial pawh a kan neih theih mang loh tamtak a awm lawi si... Mihring nunphung hi han chhut chiang ila dam chhung khawsak buaina in min chim buai dan te, thenawm te neih ang neih ve loh hlau a a kul ataia kan beih ve tang tang thin dan te, thian te neih ang neih ve duh a adik emaw diklo emaw pawh thlu lova kan neih ve theih na tur a nih chuan nasa taka kan beih ve dan ah te hian min siamtu Pathian hian engtiang chiah hian nge kan chung ah rilru a lo put thin ang le!!
          Tun ang hunlai ah phei chuan khawsak a sang in ei leh bar zawnna kawng ah kan buai em em vek mai a ni a. Chhungtin te hian hmasawn tum in kan theih ang angin hma kan la ve a, changkan na in min chhim hneh bawk si a. A rethei ber in thlengin kan neih bak bak in kan che tlang vek a nih mai hi. Ngaihtuahna hi zawng a ti buai teh zawng anih hi ti raw. Hetiang zela kan kal hi chuan kan ram dinhmun pawh hi a buaithlak khawp ang le. Hei vang tak hian a nia engang hian nge min siamtu hian awm turin min duh tih hi chhut tham tak ani. Mahni nuam tih zawng in min siamtu ngiahtuah chang lo hian mitin te hi kan buai sup sup a ni ber mai.
          Nu pum chhung ata tawh min hre chiangtu hian, kan awmdan leh kan khawsak dan zawng zawng hi min hre vek mai si a, atan thil tha tih kan nei tlem si a. Engang hian nge min ngaih ang le. Ka thian, thil tha tih atan a siam kan nih angin kan awmdan tha lo te bansain hmalam pan tum in theihtawp i chhuah ang aw. Kan hringnun pumpui hi min siam tu tana rawngbawl nana hmang tur kan ni si a..