Logo

My Logo

CHELSEA

Chelsea : Black banner

Chelsea : blue banner

 

 

 

 

Keima thlalak

He hu..

RETHEIHNA

                    Retheihna hi enge? Chu retheihna chuan mihring te nun ah eng harsatna nge a thlen? Harsatna a thlen dan chu mi zawng zawng te hian kan hre vek awm e. A la tawng lo kan awm kher lovang, a then te phei chu chu retheihna chuan a ei hlum thak anga, tin, a then te chu ramtuileilo a siam in nun beidawng in a siam anga thihna kotlang a hnuk hnai in thihna khuarkhurum ah chuan a paih thla ang. Mihring tena kan tawn tur a Pathian min pek a ni. A thu ah kan hmu “ In hma ah nunna leh thihna malsawmna leh anchhia ka dah” a tih kha. Ziaktu pakhat chuan retheihna hi anchhia a ti tawl mai. Thil engkim hi kan ta nitur a Pathian in a min pek a ni a, Tin, Hausakna ti hlu ber tu chu he retheihna hi a ni.

INDONA

EDEN ANCHHIA KRISTA HNEHNA CHU

(Genesis 3:14,16,17)

• Eden huana anchhia kan hmuh kha ilo en chiang the ang.. Lalpa Pathian chuan Rul hnen ah, “hetiang hi i   tih avang in Ran zawng zawng leh Ramsa tinreng zing ah anchhedawng in i awm bik ang” a ti a.

• Pathian in Adama, Evi leh Rul chunga kut a thlak dan hi chik taka ngaihtuah a tul hle a ni.

1. Pathian chuan Adama hnen ah thu a sawi hmasa ber a, “Adam khawi ah nge i awm” tiin.
2. A dawt leh ah Hmeichhia a ko leh a, “I thil tih hi engtizia nge nile“ a ti leh a.
3. A pathumna ah chuan Rul lam chu hawi in “Anchhedawng in i awm bik ang” a ti ta a ni.

• Heta Pathian thusawi indawt dan ah hian rorelna an chung a puanchhuah a nih chu a letling ta vek a.

1. Rorelna chu Rul chung ah a tla hmasa ber a – anchhelawh hmasak ber a ni. Sual lo awmna chhan bulpui a nih avangin.
2. A dawt leh ah hmeichhe lam a hawi leh a, Rul bum a a awm avangin a hnu a tawrhna lo awm tur chu a pumpelh thei dawnlo tih a hrilh leh a.
3. A tawp ber ah Adama chu hrilh a ni leh ta a ni. “ I hmai a thlantui luang zawih zawih in chaw i ei tawh ang” tiin.

Photoshop Tutorial

1.      A hmasa ber ah chuan Layer i siam anga, (900x600) . Paint Bucket i la anga, Black colour i thlang bawk ang. Chuan fill ang che.

 


nice Word Drawing

RINAWMNA IN ENGE A THLEN ANG LE...

          He thu hi mi chi hrang hrang ten an sawi kan hre fo tawh awm e. (an tawn tawh dan te, ang ngaihdan te) mi tam tak ten an tawng tawh a, a then in an tawng mek bawk a, chu tiang bawk in tam tak ten kan la tawng zel dawn bawk a ni. Tin, ngaihdan hi a in ang lova, hetiang thi hi ho ti leh nuihzat tam tak kan awm bawk a, tin chu tihrual in a field a cheng, tui pui fe fe tam tak kan awm bawk a ni.

ENGE I TIH TUR..?

(Thiam em em vang leh tui em em vang pawh ni lova hetiang thu tawite kan phuah chhuak ve hlawl ta mai hi a make e!!! Awm hlei mai mai vang a ziak te pawh ka ni ta ve ang. Mahse, he thu hi mamawh tu pakhat tal an awm lawng maw tiin kan bung ve tawp mai chu a nia(h).. thuziak diklo leh rem fuh loh lai te a awm ka ring, chutiang a nih chuan a duh duh chuan kan sel luai luai mai niang chu. Tin, Thiamloh ti zual tur in a thupui pawh hi phuah dan ka hre hlek lo leh ta nghal.. Mahni theuh ah a thupui chu kan phuah ve tur ah I ngai phawt mai teh ang.)
           Tunge i nih le? Engang mi nge i lo nih reng reng le!! Mihring te hi kan lo pian chhuah phat hian kan ko ah tihtur pawimawh tak a innghat a, chu chu enge ni ang le? Nu pum chhunga kan awm lai a tang tawh a Pathian ruat, atana engemaw tal ti ve tur a siam kan ni a. Tunah khan engtin ngei i awm a, eng ngaihtuahna nge i hman a. Vawiin ni ah khan engtin nge awm i tum le? I ngaihtuahna hre vek tu an awm tih i hrereng a, mahse i ngaituahna chu kal tlangpui i tum tho em le!!. Mihring te hi kan pian chhuah hlawl hian sual sa a siam kan nih a, mahni lawmna ringawt zawng thin kan nih bawk avang hian min siamtu thinlung ti lungngaitu kan va ni nasa dawn thin em!!. Engang pawh in sual hi do thin mah ila kan pian chhuah pui a nih avang hian kan do hnen zo thin lo a ni. Tu tana awm nge i ni tih leh ilo pian chhuah hian engvanga he khawvel eng hmu ve nge i nih tih hi mahni khumlaizawl ngei a in zawh fo chi ni in kan hre ve em?.

Hei hi format factory a ni a, thil video picture, leh ISO te pawh a convert theih vek a, Software rit lo leh hman nuam, awlsam tak a ni. I la hrelo a nih chuan han hmang ve chhin teh le.

ISUA A SIAMTHAR CHU (Ephesi 1:4-11)

1.      He lai Bible thu ah hian van a thil awm a tih hi Pathian zepui zinga a lalna leh thuneihna leh, a thiltihtheihna leh a hmangaihna thianghlim leh a ropuina te a ni a. Tin, Leia thil awm a tih hi mihring tisa taksa leh thisen nung nun leh a hriatna kim hi a ni bawk.

2.        Tichuan chu chi pahnih infinkhawm chu Pathian fapa leh Mihring fapa ti a koh a ni.

3.       Thluthlung thar ah chuan Pathian fapa a sawina hi vawi 59 ah kan hmu a, Mihring fapa a sawina hi vawi 76 ah kan hmu a ni.

4.        Tin, Adama mihring chuan Mari chhul ah chuan KRISTA chu a chang ta ngei a. He hmun ah ngei hian a ni, KRISTA changtu te kan lo ni ta si a tih dikna chu. (Heb 3:14).

SUAL BUL

1. Mihring a awm sual bul chu a tisa, taksa Thisen nung nun, hringnun kan tih tak chu a ni a.

    A thisen nung hriat dan a a duhzawng um nun chuan a hringnun chu Pathian thu ngaipawimawh hleithei lovin 

     a hnuk ta a ni.

   Tichuan, ama duh zawng thu awih zawk na ah a hnuk lut a, a tana thalo tur chu a ti ta a ni.

2. Pathian in Adama hnenah “ I nupui thu i awih a, ei loh tur ka tih kha ilo ei ta a ni maw?” a ti a.
    (Gen 3:17) Paula chuan, a siamtu biak aiin a siam chu bia in a rawng an bawl ta zawk a ti. (Rom 1:25).

3. Tichuan sual bul chu Mihring hringnun tisa duh zawng leh chak zawng nei, mahni a nun hran nei chu a ni.
    (Original Sin) an ti.

4. He sual bul hringnun hi mihring nun a sual bul tak chu a ni ta a ni.
    Tin, he hringnun nei theuh theuh hi kan tha hlei in kan sual hlei em em a ni.

5. Sual thuah hnih :- Hei hi hringnun atanga sual lo lang chhuak, Mihring pawh in sual kan lo tih ve leh tak hi a       ni.

6. Tin, mihring a awm hringnun chu Pathian hmelma ah a insiam a, chu chu Pathian pawh in phuba lak a tiam       a  ni.(Nun aiah Nun, Thisen aiah Thisen). Thisen chhuah lovin ngaihdamna reng a awmlo a ni hei hi tih ngei       ngei na tur chu a ni. (Hebrai 9:22).

7. Evi leh Adama’n Pathian thu aiin thlemtu thu an zawm zawk a.Pathian thu kalh in an mahni tana tha tur ni a  

    an rin chu an zui ta zawk a, chuvangin Pathian chu an nel ta lova, an biruk san ta ani. Pathian thu hre chung 

    a bawhchhe tu ten Pathian an nel ngailo.

LO PIANG PALH I NILO – RICK WARREN

He thu hi kan ngaihtuah ngai em?

1. Vanduai thil emaw, tihpalh thil emaw avanga lo piang palh ini lova, Heihi Pathian tih a ni. I nu in apai hma daih che in, Pathian rilru a pai tawh i ni. A ngaihtuah hmasa ber che.

2. Tuna nunga I thaw thei hi i chanpual reng emaw, thil lo thleng palh emaw, Vanneihna emaw, thil intawng fuh avangte a nilo. Pathian in siam a duh che vangin ilo nung a ni zawk. (Tirhkohtethiltih 17:28) (Job 33:4).

3. Kan taksa peng zawng zawng te chipchiar takin Pathian in alo ruat daim tawh a, kan lo pianna chi te, kan vun rawngte, kan sam te, kan hmelhmang engkim mai hi Pathian in ngaihtuah taka asiam, athlan a ni. (Sam 139:15-17)

4. Bible chuan Pathian chu hmangaihna ani a ti a. Hmangaihna hi Pathian ze laipui ber a ni. (I Johana 4:8).

5. Thil mak ber chu Pathian in engtin nge nang leh kei hi kan lo pian dan tur a lo ti fel hi a ni. Kan nu leh pa te hmang in ruahmanna fel taka lo nei tawh a ni.

6. A rilru a alo ngaihtuah tawh nangmah siam tur in Pathian in nu leh pa te pahnih chu chi inchawih tha dik chiah an neih a hre tawh ani. Chuvangin nang leh kei hi lo piang chhuak kan ni.

7. A remruat danglam tawh ngailo tur chu ama fa ah min siam a, a chhungkua atan Isua Krista ah min la lut a, hei hi a duh zawng leh lawm zawng tak ani. (Hebrai 2:10-11) (Hebrai 3:6).